ხეთური სამეფო ხელშეკრულებები

წიგნი მკითხველს გააცნობს ხეთების ცივილიზაციის ერთ-ერთ ყველაზე მნიშვნელოვან მემკვიდრეობას — სამეფო ხელშეკრულებების კორპუსს, რომელიც ძველი წინა აზიის დიპლომატიური ურთიერთობების უნიკალურ წყაროდ რჩება. ავტორი განიხილავს, თუ როგორ შეცვალა არქეოლოგიურმა აღმოჩენებმა XIX-XX საუკუნეების მეცნიერთა წარმოდგენა ისტორიის ადრეულ ეტაპებზე — კერძოდ, თიხის ფირფიტებზე დაცული ხელშეკრულებების საშუალებით დადასტურდა, რომ პირველი დიპლომატიური და სამართლებრივი ტექსტების შემქმნელები რომაელები თუ ბერძნები კი არა, ძველი წინა აზიის ხალხები — ხეთები, შუმერები, ასურელები და სხვები იყვნენ.

ნაშრომში დაწვრილებით არის წარმოდგენილი ხელშეკრულებების ტიპოლოგია — „პარიტეტული" (თანასწორ მხარეებს შორის, მაგალითად, ხათუსილი III-სა და ფარაონ რამსეს II-ს შორის დადებული) და „ვასალური" (ხეთების მეფესა და დამორჩილებულ სამეფოებს შორის), მათი სტრუქტურა, ენობრივი თავისებურებები და პოლიტიკური დანიშნულება. განსაკუთრებული ყურადღება ეთმობა იმას, თუ როგორ უზრუნველყოფდა ეს დოკუმენტები ხეთების სამეფოს საგარეო პოლიტიკის სტაბილურობასა და რეგიონულ გავლენას.

წიგნი საინტერესო იქნება ისტორიით, ძველი წინა აზიის კულტურითა და დიპლომატიის ისტორიით დაინტერესებული მკითხველისთვის.