დასავლეთ საქართველოს ადრე და შუაბრინჯაოს ხანის არქეოლოგიური კულტურები

ნაშრომში განხილულია რიონ-ყვირილას აუზში, კოლხეთის დაბლობ ზოლსა და მთიანეთში, ასევე თანამედროვე აფხაზეთის ტერიტორიაზე გავრცელებული მტკვარ-არაქსული, ბედენური, პროტოკოლხური და დოლმენური კულტურები. საუბარია კოლხეთში ადრე და შუაბრინჯაოს ხანაში არსებულ სხვადასხვა კატეგორიის ძეგლების ტოპოგრაფიის, ქრონოლოგიისა და პერიოდიზაციის საკითხებზე. განხილულია ნაგებობათა და სამარხთა ტიპები, ბრინჯაოს განძები, ბრინჯაოს პირველადი და მეორადი მეტალურგიული წარმოების ცენტრების ურთიერთმიმართების საკითხები. მოცემულია ქვის, კერამიკული მასალებისა და მეურნეობის სხვადასხვა დარგის დახასიათება.