ბლოგი

რატომ ითვლება „სინუჰე ეგვიპტელი“ ისტორიული რომანის ერთ-ერთ უდიდეს ნიმუშად? გაიცანით მიკა ვალტარის ცნობილი ნაწარმოები, სადაც ძველი ეგვიპტის სიდიადე და ადამიანის მარადიული კითხვები ერთმანეთს ხვდება. ექიმი სინუჰეს თვალით მოთხრობილი ეს ეპიკური ისტორია გვიყვება ძალაუფლებაზე, რწმენაზე, სიყვარულზე, ომებსა და იმ რთულ არჩევანებზე, რომლებიც ადამიანის ბედს განსაზღვრავს

„The Girl Who Fell Beneath the Sea“ - აქსი ოს ლირიკული ფენტეზი, რომელიც კორეული მითოლოგიითა და უძველესი ლეგენდით არის შთაგონებული. ზღვის ღმერთის წყევლის, თავგანწირვისა და სიყვარულის ფონზე მინა ჯადოსნურ სამყაროში აღმოჩნდება, სადაც ღმერთების ბედი მის არჩევანზეა დამოკიდებული.

გაზაფხული იდეალური დროა ახალი წიგნების დასაწყებად — მსუბუქი, ემოციური, რომანტიკული თუ ფანტასტიკური ისტორიები განსაკუთრებით კარგად ერგება ამ სეზონს. თუ ეძებ „გაზაფხულზე საკითხავ წიგნებს“, ეს სია დაგეხმარება აღმოაჩინო როგორც ბესტსელერები, ისე თანამედროვე ლიტერატურის გამორჩეული ნამუშევრები, რომლებიც შეგიძლია იპოვო ჩვენს მაღაზიაში და ვებ-გვერდზე laterna.ge

ჰარუკი მურაკამი უბრალო რომანებს არ წერს, ის მთელ სამყაროს ქმნის. სამყაროს, რომელიც თითქოს ნაცნობია, მაგრამ ამავდროულად უცნაური და არარეალური. „კაფკა პლაჟზე“ მისი ერთ-ერთი ყველაზე მომაჯადოებელი ნაწარმოებია, სადაც რეალობა იხრება, დრო იხლართება, ხოლო ოცნებასა და წარსულს შორის ზღვარი თვალის დახამხამებაში ქრება.

ოდესმე გაგჩენიათ თუ არა სურვილი თუნდაც ერთი დღით მოხვედრილიყავით წიგნის სამყაროში? ალბათ ბევრი თქვენგანის პასუხი ამ კითხვაზე იქნება დადებითი. რეი ბრედბერის შესანიშნავი ნაწარმოები - „ბაბუაწვერას ღვინო“, სწორედაც რომ ისეთი წიგნია, რომელიც უქმნის მკითხველს განცდას, რომ მას მართლაც გაუტარებია ზაფხული ამ პატარა ქალაქში, ნამდვილად შეხვედრია წიგნის კოლორიტულ პერსონაჟებს და თავად დაუგემოვნებია შესანიშნავი ბაბუაწვერას ღვინო.

ინგარის სამეფოში, სადაც შვიდმილიანი ჩექმები და უჩინმაჩინის მოსასხამები არავის უკვირს, დიდი უიღბლობაა სამშვილიან ოჯახში უფროსად დაბადება. საყოველთაოდ ცნობილია, რომ თუკი სამივენი ბედის საძიებლად გაეშურებიან, სწორედ უფროსი იგემებს მარცხს. სოფი თავიდანვე იყო შეგუებული ბედს და ცხოვრების მშვიდად გატარებას ქუდების სახელოსნოში აპირებდა. თუმცა მოულოდნელად უდაბნოს ალქაჯის წყრომა დაატყდა თავს და ბებრუხანად აქცია. ჯადოს ახსნის ერთადერთი იმედი ჯადოქარი ჰაულის მუდამ მოძრავ ციხე-კოშკში იმალება.