ლილე და კენკრის ფერია

იცით თუ არა, რომ „ლილე და კენკრის ფერია“ მოგვითხრობს ლილეს ნამდვილ თავგადასავალს.

მოქმედება ხდება რაჭაში, სადაც ლილე ყოველ ზაფხულს ისვენებს და ძალიან უყვარს დედიკოსთან ერთად ტყეში გასეირნება და მაყვლის კრეფა.

„ამ ტყეში მგელი არ არის, მე არ მეშინია!“ - ამ სიტყვებს ხშირად იმეორებს ლილე და ასე იწყება მისი ზღაპარიც. 
როგორ ფიქრობთ, მართლა არ ეშინია? რა თქმა უნდა, ეშინია, მაგრამ ცდილობს შიში დაძლიოს გამამხნევებელი სიტყვებით, რომელიც თავად მოიფიქრა და როგორც ჯადოსნური ხერხი წარმატებით გამოიყენა. 

საიდუმლოდ გეტყვით - ერთხელ ისე „აღიჭურვა“ საკუთარი გამბედაობით, რომ მეგობართან ერთად მარტოც კი გაბედა ტყეში მაყვლის საკრეფად წასვლა.