უფლისწული და მათხოვარი (VI საფეხური)

მარკ ტვენის რომანის მიხედვით

ძონძებში გახვეული პატარა ბიჭი ქუჩაში სამათხოვროდ დაწანწალებს. სასახლის მოოქრულ ალაყაფთან ის უფლისწულს ხვდება. ბიჭები აღმოაჩენენ, რომ ტყუპებივით ჰგვანან ერთმანეთს. ეს შემთხვევითობა ორივეს ცხოვრებას სამუდამოდ შეცვლის.

სერია „უკვე ჩემით ვკითხულობ“ განკუთვნილია დამწყები მკითხველებისთვის, რომლებმაც ახლა უნდა გადადგან პირველი ნაბიჯები ამ გზაზე. ტექსტები მარტივი, ნაცნობი ლექსიკითაა შედგენილი, წინადადებები მოკლეა, რამდენიმემარცვლიანი სიტყვები ხშირად მეორდება, რაც ჯერაც გამოუცდელ მკითხველს გაუადვილებს უკვე ნაცნობი სიტყვის ამოკითხვას და თავდაჯერებულობას შეჰმატებს მას. ყოველი მომდევნო საფეხური ოდნავ რთულდება, რაც ეხმარება ბავშვს, ნელ-ნელა დაძლიოს ახალი გამოწვევები და ჩამოყალიბდეს გაწაფულ მკითხველად.