კოკო შანელი

„პატარა ადამიანები დიდი ოცნებებით“ – სერიის ახალ წიგნში წაიკითხავთ ლეგენდარული დიზაინერის კოკო შანელის ბიოგრაფიას ბავშვობიდან სიცოცხლის ბოლომდე. როგორც აღმოჩნდა, კოკოს არც ისე დალხენილი ბავშვობა ჰქონდა. დედის გარდაცვალების შემდეგ, შანელმა ადრეული წლები ბავშვთა სახლში, საკმაოდ რთულ და მკაცრ პირობებში გაატარა. სწორედ ბავშვთა სახლში ისწავლა ნემსისა და ძაფის გამოყენება. ვიდრე მისი თანატოლები ერთობოდნენ, კოკოს მარტო ყოფნა და კერვა ერჩივნა. ბავშვთა სახლის დატოვების შემდეგ ის კაბარეს მომღერალი გახდა, პარალელურად კი ტანსაცმელსა და ქუდებს კერავდა. განსაკუთრებულმა ნიჭიერებამ და შრომისმოყვარებამ კოკო შანელი აქცია ყველა დროის ერთ-ერთი ყველაზე ცნობილ დიზაინერად, რომელმაც მსოფლიო მოდა სრულად შეცვალა.

გაეცანი გამოჩენილი ადამიანების ცხოვრებას, დიზაინერებიდან და ხელოვანებიდან დაწყებული მეცნიერების ჩათვლით. მათ დაუჯერებელ რაღაცებს მიაღწიეს, თუმცა თითოეულმა ბავშვური ოცნებებით დაიწყო.