კუპატა და მძინარა ზებრა

კუპატას არაჩვეულებრიობას რაღა მტკიცება სჭრიდება, მაგრამ ამ წიგნში ის მაინც ისეთ ჯადოსნურ ამბავს ატრიალებს, წარმოდგენაც რომ ძნელია. სამყაროში ყველაზე მოუხელთებელი რომ დროა, ხომ ვიცით. დრო მიქრის, მიქრის ფაცხაფუცხით, უკანმოუხედავად, მიქრის ისე, რომ მისი სიჩქარის გაზომვაც კი შეუძლებელია. არასდროს ჩერდება და, მითუმეტეს, არასდროს ბრუნდება... მაგრამ... ამ წიგნში ეს შესაძლებელი გახდა - დრო გაჩერდა, დაბრუნდა და კუპატას მთავარი ამბავი გვიამბო. და, რა თქმა უნდა, ეს ამბავიც, ისევე როგორც კუპატას თავგადასავალი, იმისთვის ხდება, რომ ჩვენი გარემომცველი სამყარო უფრო კეთილი გახდეს და სიყვარულით და ურთიერთზრუნვით აივსოს.