სიმართლე სიცრუეში

რომანი მოგვითხრობს უცნაურ ვითარებაში გაუჩინარებულ სესილიაზე და გამომძიებელ ოთარზე, რომელიც მთელი არსებით ჩაეფლო მის ძიებაში. გაუჩინარებიდან ორი კვირის თავზე, გოგონა შინ ბრუნდება და როგორც, თვითონ ამბობს არ ახსოვს დროის იმ  მონაკვეთში მომხდარი ამბები. გამომძიებლის ინტერესი, სესილის მიმართ დღითიდღე იზრდება და დროთა განმავლობაში სიყვარულში გადადის.

რომანი მათ შორის სწრაფად ვითარდება თუმცა, მალევე კრახით სრულდება დიდი ასაკობრივი სხვაობის გამო. მაგრამ, ეს სრულებით არ აქრობს ოთარის გრძნობას. პირიქით, უფრო ზრდის მას. თვეები გადის და როდესაც, გაუჩინარებისგან გამოწვეული განცდები ნელდება, სესილია კი,  ცხოვრების ჩვეულ რიტმს უბრუნდება, სწორედ ამ დროს ხდება ყველაზე შემზარავი და მოულოდნელი რამ მის ცხოვრებაში... უნივერსიტეტში ხუთი შეიარაღებული მძარცველი იჭრება და უამრავი სტუდენტი  აჰყავს მძევლად. და, აი, აქ იწყება მთავარი ამბები, რომლებიც, მკითხველს გულგრილს ნამდვილად ვერ დატოვებს. რომანის დასასრული კი, სრულიად ორიგინალურია, იგი შოკისმომგვრელი, თანაც…  მოულოდნელია. 

მკითხველს უთუოდ დააინტერესებს ქეთევან დადვანის ეს ვრცელი, ორიგინალური დეტექტიური რომანი.