კოგნიტური არქეოლინგვისტიკა: ტერმინის ზოგადლინგვისტური თეორია და ცნებათა სისტემატიკა

მოცემული ნაშრომი მიზნად ისახავს არქეოლოგიური ტერმინოლოგიის სტრუქტურული  კლასიფიკაციის  ნორმების დადგენას.  ტერმინოლოგია გაიაზრება, როგორც საგანგებო დანიშნულების ენა – პროფესიული (დარ-გობლივი) ენის აზრობრივი  ხერხემალი – მოცემული  დარგის   ძირითად ცნებათა სიტყვიერი  სუბსტანცია და ექვემდებარება შეგნებულ მოწესრიგებას.  მოწესრიგებული  (უნიფიცირებული  და  სტანდარტიზებული) ტერმინოლოგია არის კიდევაც იმ სამეცნიერო დისციპლინის თეორიის საფუძველი, რომელსაც იგი ემსახურება  სპეციალური  დანიშნულების ენის (სდე) ფუნქციით. ტერმინი  ენის სრულუფლებიანი ერთეულია და მოეპოვება   მკაფიო  ინტეგრაციული და  დიფერენციალური ლინგვისტური და ლოგიკურ–სემანტიკური მახასიათებლები. შესაბამისად, სავსებით შესაძლებელია მისი ენობრივი ფუნქციის განსაზღვრაც.