სპილო ბაქანზე

თუ ოდესმე თბილისის რკინიგზის სადგურზე საინტერესო ადამიანი დაინახეთ ქათქათა წვერითა და მოხდენილი ვარდისფერი ქურთუკით, გამოელაპარაკეთ: ეს ირფალიონია, კაცი, რომლის ერთადერთი გასართობიც ჭადრაკია. ის დროის ქსელებშია ახლართული და ისე მოგიყვება საუკუნეების წინანდელ ამბებს, თითქოს იმ მოვლენათა მომსწრე თვითონ იყო. ირფალიონის საყვარელი ჭადრაკი კი არ არის ჩვეულებრივი ჭადრაკი - ეს საოცარი და ჯადოსნური ჭადრაკია, ულამაზესი ფიგურებითა და მაგიური ისტორიით. აქ ტრადიციული ფიგურების ნაცვლად მეფედ სპილო გვევლინება თავის მეწყვილე ლაზიერთან ერთად, კუს როლს მელია თამაშობს, მხედარი ბპატარა პონია, ეტლის ადგილას ტახი დგას, ხოლო პაიკებად პაწაწინე თაგუნიები განლაგდებიან დაფაზე.