ტურისტულ-რეკრეაციული რესურსები (ნაწილი მეორე)

წიგნი „ტურისტულ-რეკრეაციული რესურსების შეფასების თანამედროვე გამოცდილება“ წარმოადგენს მნიშვნელოვან სამეცნიერო ნაშრომს, რომელიც აერთიანებს ტურიზმისა და რეკრეაციის სფეროში დაგროვილ მსოფლიო და რეგიონულ გამოცდილებას, თანამედროვე რაოდენობრივ-ხარისხობრივ მეთოდოლოგიასა და სივრცითი დაგეგმარების თეორიულ და პრაქტიკულ მოთხოვნებს.

ნაშრომი გამოირჩევა აკადემიური სტრუქტურით, მაღალი სანდოობითა და კომპლექსურობით, რაც მას აქცევს ერთ-ერთ მნიშვნელოვან სახელმძღვანელო წყაროდ როგორც მეცნიერებისთვის, ასევე პრაქტიკის სფეროში დასაქმებული სპეციალისტებისთვის.

ავტორები სიღრმისეულად აანალიზებენ ტურისტულ-რეკრეაციული რესურსების თეორიულ საფუძვლებს, ისტორიულ-გეოგრაფიულ ტრადიციებსა და თანამედროვე ინტერპრეტაციებს. ყურადღება გამახვილებულია იმაზე, რომ რესურსების მეცნიერულად დასაბუთებული შეფასება მხოლოდ სტატიკური აღრიცხვა არ არის; იგი წარმოადგენს სივრცითი განვითარებისა და ტურიზმის მართვის სისტემას, რომელიც გავლენას ახდენს ტერიტორიულ მოწყობაზე, ინფრასტრუქტურულ განვითარებაზე, ეკოლოგიურ უსართხოებასა და ადგილობრივი ეკონომიკის განვითარებაზე. ნაშრომის ერთ-ერთი ძლიერი მხარე არის ის, რომ ავტორები რესურსებს განიხილავენ როგორც ბუნებრივ, ასე კულტურულ-სოციალურ კატეგორიად, რომელთა შეფასება საჭიროებს ინტერდისციპლინარულ მიდგომებს - ეკონომიკას, გეოგრაფიას, ტურიზმოლოგიას, გარემოს დაცვასა და რეგიონულ დაგეგმარებას.