თავად გახდი სიყვარული

კაცობრიობის ისტორიის განმავლობაში ყველაზე აქტუალური და ჯერ კიდევ ბოლომდე გაურკვეველი სიტყვა და საკითხი სიყვარულს უკავშირდება, ის არის საწყისი და მამოძრავებელი ძალა ყოველგვარი მოქმედების და უმოქმედობის. ადამიანები ამ ცნებას უკავშირებენ ღმერთის არსებობის მტკიცებულებას, ზოგს კი სულაც არ სჯერა მისი და ავადმყოფობათაც კი განიხილავს. მაგრამ ფაქტია, რომ ამ სიტყვას ადამიანების წრეში, ყოველდღიურად, უამრავჯერ მოისმენთ და მისი განმარტების ვარიაციებითაც დაიბნევით. ზოგისთვის ამ გრძნობას ახსნა არ ჭირდება და ქმედებებში ხედავს მის სინამდვილეს, ზოგსაც სიტყვა ურჩევნია სათქმელად, გულისყურის საამებლად.

სწორედ, ამ საკითხების გააზრებისთვის ითარგმნა და შედგა ეს წიგნიც, რომელიც ოშოს სხვადასხვა დროს ჩატარებული საუბრებიდან ამონარიდებს აერთიანებს, რომლებიც, თავისთავად სიყვარულის გაცნობიერებას ეხება, იმ გრძნობების განმარტებას, რომლებსაც სწორად ანდა შეცდომით აიგივებენ მასთან. ეს უკანასკნელი მცდარი წარმოდგენები კი, შინაგან გაურკვევლობას და სხვა ეგზისტენციალურ პრობლემებს იწვევს, რაც საბოლოოდ, ადამიანს სიმშვიდეს უკარგავს და მოუსვენრად, ხშირად ძალადობისკენ და სხვა ადიქციებისკენ მიდრეკილს ხდის. ამ წიგნით, როგორც თავის დროზე ოშო თავისი საუბრებით, გვინდა, დავეხმაროთ ადამიანებს, აღმოაჩინონ საკუთარი თავი, გაერკვნენ გრძნობებში და გახდნენ უფრო მეტად თავდაჯერებულნი.