მენტალური აშლილობის ფილოსოფია

გიგი თევზაძის წიგნი ერთ მეტად საინტერესო მოგზაურობაზე მოგვითხრობს. ამ მოგზაურობის მარშრუტის მონიშვნა გეოგრაფიულ რუკაზე შეუძლებელია, ვინაიდან ის ასახავს რვაწლიანი კვლევის პროცესს საკვლევი ჰიპოთეზის შემუშავებიდან ახალი კრიტიკული მიდგომის ჩამოყალიბებამდე, რომელიც ცხოველებზე ჩატარებული ექსპერიმენტებისა და ადამიანებზე დაკვირვების შედეგად მოგროვებული მონაცემების დამუშავების გზაზე გადის.

ნაშრომში აღწერილი კვლევითი მოგზაურობა სრულიად განსხვავებულ მიდგომას აყალიბებს მენტალური აშლილობებისა და კოგნიტური პროცესებისადმი. ეს კი საშუალებას აძლევს მკითხველს, ახლებურად უპასუხოს არაერთგზის პასუხგაცემულ კითხვებს. როგორ წარმოიშობა ინტერესი, რატომ და როგორ ვსწავლობთ, რა არის ტვინის მუშაობის ნამდვილი მიზანი, რას წარმოადგენს მენტალური აშლილობა და როგორ არის ის შეჭიდული ტვინის ფუნქციონირების ახალ სქემასთან - ამ და სხვა საინტერესო კითხვებზე გაცემული პასუხებით ავტორი იმედოვნებს, რომ მისეული მიდგომის გავრცელება ახალ სივრცეებს გაუხსნის კოგნიტური პროცესების კვლევას, რაც მენტალური აშლილობის მქონე ადამიანების ცხოვრებას მნიშვნელოვნად გააუმჯობესებს უახლოეს მომავალში. მკითხველისთვის ალბათ ისიც საინტერესო უნდა იყოს, რომ წინამდებარე წიგნის ავტორი, რომელიც იმავდროულად ნაშრომში