მენტალური შაბლონები (იფიქრე უკეთ!)

„მენტალური შაბლონები“ მოგვითხრობს სამყაროს მუშაობის გარკვეულ პრინციპებზე. წიგნში მოყვანილი მაგალითები სხვადასხვა ხედვის კუთხიდან არის განხილული და გაანალიზებული. გამოცდილი პროფესიონალის რჩევები დაგეხმარებათ, თუ როგორ შევხედოთ უფრო ადვილად ცხოვრებისეულ კონკრეტულ პრობლემურ სიტუაციებს და როგორ შევიქმნათ რეალობასთან მაქსიმალურად მიახლოებული წარმოდგენა იმ საკითხებზე და გამოწვევებზე, რომლებიც ზრდასრულ ადამიანს უხვად ხვდება ცხოვრებაში.

საქართველოს ტექნიკური  უნივერსიტეტის დამთავრების შემდეგ, ჯაბა დაიხამინჯია მუშაობდა კომპანია ,,მაგთიკომში“, სადაც ბოლოს ეკავა გენერალური დირექტორის მოადგილის თანამდებობა. იგი თანადამფუძნებელი და მმართველი პარტნიორია საინვესტიციო კომპანია JSC Fagus -ისა, რომელიც დაკავებულია აშშ საფონდო ბირჟებზე კომპანიის აქციებში კაპიტალდაბანდებით. ავტორი არაერთხელ იყო მიწვეული ტელევიზიასა და რადიო-გადაცემებში, კითხულობდა საჯარო ლექციებს სხვადასხვა უმაღლეს სასწავლებელში.