რომის სამართალი

წინამდებარე სახელმძღვანელოს მიზანი და დანიშნულება იურიდიული ფაკულტეტის სტუდენტებისთვის რომის სახელმწიფოს განვითარების ძირითადი ეტაპებისა და თითოეული ეტაპისათვის დამახასიათებელი სახელმწიფო მექანიზმის თავისებურებანის შესწავლა არის. აგრეთვე, რომის საჯარო და კერძო სამართლის ძირითადი ინსტიტუტების ჩამოყალიბებისა და ევოლუციის პროცესის გაცნობა. იმის დადგენა, თუ რამ განაპირობა რომის სამართლის რეცეფცია, ძირითადი დებულებების დამკვიდრება და საზოგადოებრივი ურთიერთობების მოწესრიგება დასავლეთ ევროპის ქვეყნებში. 

აღნიშნული სახელმძღვანელო ქართულ ენაზე შექმნილი ყველაზე სრულყოფილი ნაშრომი გახლავთ, რომელშიც, ლათინური იურიდიული ტერმინოლოგიის და ძველ იურისტთა მიერ საკუთარ თხზულებებში ჩამოყალიბებული იურიდიული სენტენციების გამოყენებით, არქაული, წინაკლასიკური, კლასიკური, პოსტკლასიკური და იუსტინიანეს სამართალშემოქმედების ეპოქების გათვალისწინებით, განხილულია, სამართლის წყაროთა, საჯარო და კერძო სამართლის მრავალი ინსტიტუტის თანმიმდევრული ევოლუცია. ნაშრომის სიახლეს წარმოადგენს სავალდებულო იურიდიული ტერმინების, სასწავლო მასალის თითოეული თავის შესავალ ნაწილში განთავსება, რაც ხელს შეუწყობს აღნიშნული ტერმინოლოგიის სრულყოფილ შესწავლას.

რომის სამართლის საფუძვლების აღნიშნული სახელმძღვანელო განკუთვნილია სამართლის საბაკალავრო პროგრამის სტუდენტებისათვის, აგრეთვე ძველი რომის სამართლის ჩამოყალიბებისა და განვითარების პროცესების შესწავლით დაინტერესებული ფართო წრისათვის.