საქართველო და მსოფლიო - ბრინჯაოს ხანა ძველი აღმოსავლეთი (ნაწილი II)

დამხმარე სახელმძღვანელოს სერიის, „საქართველო და მსოფლიო“, II წიგნში  - ბრინჯაოს ხანა/ძველი აღმოსავლეთი - გაეცნობით საქართველოსა და ძველი აღმოსავლეთის ქვეყნების ისტორიას. გაიგებთ რა ცვლილებები მოხდა ბრინჯაოს ხანის საზოგადოების ყოფა-ცხოვრებაში, როგორ და რატომ შეიქმნა დამწერლობა და რა მნიშვნელობა აქვს მას კაცობრიობის განვითარებისათვის, როგორი ურთიერთობა ჰქონდათ უძველეს ქართულ ტომობრივ და სახელმწიფოებრივ გაერთიანებებს ძველი მსოფლიოს ქვეყნებთან და ა. შ.
წიგნი უხვად არის ილუსტრირებული. აქ შეხვდებით: საისტორიო თემატურ და კონტურულ რუკებს, არქეოლოგიური მონაპოვრების, მნიშვნელოვანი არტეფაქტების, ძველი ქალაქებისა და ციხესიმაგრეების, დამწერლობის, უძველესი ქანდაკებების, დიდი მხატვრების მიერ შექმნილი ტილოების, პლაკატის, მარკებისა და თვალსაჩინოების სხვა ნიმუშების ფოტომასალას.
დამხმარე სახელმძღვანელო მოიცავს განსხვავებული ტიპის მნიშვნელოვან, განმავითარებელ აქტივობებს - სიტუაციურ მოდელირებას, შედარებისა და კონტრასტების მოძიება-გაანალიზებას, დისკუსიებს, ჰიპოთეზებისა და ვარაუდების გენერაციას, წყაროებზე მუშაობას, დამატებითი ინფორმაციის მოძიებას, ალტერნატიული მასალების დამუშავებასა და სხვა.