ანოტაცია: ესქილეს (ძვ. წ. 525-456) მოღვაწეობის ხანა ბერძენსპარსელთა ომებისა და ათენის დემოკრატიულ სახელმწიფოდ ჩამოყალიბების პერიოდს ემთხვევა. არისტოკრატიული წარმოშობის დრამატურგი თავად მონაწილეობდა მარათონის, სალამინის და პლატეის ბრძოლებში სპარსელთა წინააღმდეგ. "ტრაგედიის მამას" 90-მდე ნაწარმოები შეუქმნია, საიდანაც ჩვენამდე სრული სახით მოაღწია შვიდმა ტრაგედიამ.