ანოტაცია: „დაჩის ზღაპრების“ გამოცემიდან საკმაოდ დიდი დროა გასული. მას შემდეგ ბევრი რამ შეიცვალა მსოფლიოში, აღარც ახლანდელი ბავშვები არიან ისეთები, როგორებიც მაშინ იყვნენ და არც თანამედროვე ავტორები წერენ ასეთ ზღაპრებს, მაგრამ მიუხედავად ამისა, ამ წიგნის პოპულარობას არაფერი დაჰკლებია. განთქმულ მონადირე დაჩიზე მოთხრობილი ამბები დღესაც ისევე ხიბლავს ბავშვებს როგორც მაშინ და არა მარტო საქართველოში. დაჩის შორეულ იაპონიასა და ჩინეთშიც კი იცნობენ და გაგონილი გვაქვს, ქართველი ბავშვებივით უყვართ.